Një ngjarje e rëndë ka ndodhur në San Francisko, SHBa, ku punonjësi i një dyqani automjetesh ekzekutoi një grabitës të armatosur, pas një përleshje të dhunshme.
Gjithçka është filmuar nga kamerat e sigurisë në biznes.
Sipas policisë, dy persona të maskuar hynë në dyqan me qëllim për ta grabitur, ndërsa 56-vjeçari Mark Kasprowicz ishte duke punuar pas banakut, të dielën në mbrëmje.
Një nga keqbërësit kërcënoi me armë 56-vjeçarin, ndërsa tjetri shkoi pas banakut dhe e goditi me qytën e pistoletës.
Nga kamerate e sigurisë shihet se si ata e shtrinë Kasprowicz në dyshime, duke e goditur.
56-vjeçari shihet teksa i del gjak nga koka, ndërsa grabitësit merrnin paratë nga banaku.
Në një moment kur ata nuk e kishin mendjen nga punonjësi i dyqanit, ky i fundit me shpejtësi arriti të merrte një armë.
Një nga grabitësit tentoi ta qëllonte 56-vjeçarin, por arma e tij u bllokua.
Grabitësit tentuan t'ja mbathnin, por punonjësi i dyqanit u ngrit nga prapa banakut dhe arriti të qëllonte për vdekje njërin prej tyre, ndërsa tjetri mundi të largohej nga aty.
Kasprowicz, i cili është një veteran i Forcave Ajrore, tha se përvoja e tij ushtarake e ndihmoi atë të ruante qetësinë dhe t'i mbijetonte sulmit nga grabitësit.
Burimi: DailyMail|Përktheu dhe Përshtati: JOQ Albania
