Nënkryetari i Partisë Demokratike, Edi Paloka ka reaguar në lidhje me përgjigjen e Ramës ndaj kritikëve të 'Minishengenit Ballkanik'.
Ai shkruan në Facebook se nuk ka më asnjë surprizë në ato çfarë thotë e vepron Rama, madje edhe justifikimet e tij priteshin.
Nga ana tjetër, Paloka thekson se ata që nuk e njohin Ramën duhet të dinë se nuk është aq trim sa duket.
Ai shkruan se Rama hiqet si i fortë në publik me dikë, por menjëherë e kontakton privatisht për t'i treguar që nuk i ka patur seriozisht sharjet.
Statusi i Palokës:
Nuk ka me asnje surprize ne veprimet e Rames. Edhe justifikimet e tij te fundit ne fb ishin te pritshme. Madje , ne se nuk e ka bere akoma, “levizja” e rradhes ju siguroj qe do jete nje mesazh privat per Ramushin ku duke u perdredhur do ti shkruaj se sa shume e vlereson. Kush e njeh mire Ramen e njeh dhe kete “ves” te tij , qe kur shfaqet si i forte apo arrogant ne publik, me dike qe e di qe mund t’ja ktheje, menjehere e kontakton privatisht per ti treguar qe nuk i ka patur seriozisht sharjet…
Mos ju duket habi qe nje “trim” si Rama, i merr seriozisht dhe ato qe shkruhen ne rrjete sociale se Ramushi ka per ta rrahur me shpulla, per fyerjet qe ka leshuar Rama per te e per Kosoven ne krah te Vucicit!
Sa per ate se “mini-shengeni” qenka ne te mire te shqiptareve se realizoka “qellimin madhor” te levizjes se lire te njerezve ne rajon, deficenti kryeminister e di shume mire se shqiptaret kane mbi dhjete vjete qe levizin lirisht jo vetem ne rajon, po ne gjithe Evropen!
E vetmja qe perfiton nga ky i ashtuquajtur “mini-shengen” , eshte Serbia! Shqiptaret, ne Shqiperi dhe Kosove , jane ata qe humbasin e Rama ashtu si Vucic e dijne shume mire kete…
