Një trup i dekompozuar është gjetur pasditen e sotme nga një peshkatar në Kurbin.
Mësohet se trupi i pajetë është i seksit mashkull dhe peshkatari ka njoftuar menjëherë sallën operative sapo identifikoi kufomën.
Në një njoftim nga policia, raportohet se trupi është gjetur në grykëderdhjen e lumit Ishëm dhe është dërguar menjëherë në morgun e spitalit për ekspertizë.
Ndërkohë policia vijon punën për zbardhjen e plotë të kësaj ngjarjeje të rëndë.
Njoftimi i Policisë:
Kurbin, Lezhë
Më datë 25.12.2019, në orët e pasdites, në grykëderdhjen e lumit Ishem, Kurbin , një peshkatar ka konstatuar një trup të pajetë, të seksit mashkull dhe ka lajmëruar Policinë Kufitare të cilët menjëherë kanë shkuar në vendngjarje.
Kufoma është transportuar në morgun e spitalit për ekspertizë mjeko-ligjore.
Grupi hetimor nën drejtimin e Prokurorisë po vijon hetimet për identifikimin dhe sqarimin e plotë të rrethanave të ngjarjes.