Akademiku i njohur, Artan Fuga ka vijuar me ironitë dhe idenë kundër projektit të 'Minishengenit Ballkanik', ku me anë të një postimi në rrjetin social 'Facebook' reagon për mospërfshirjen e Kosovës.
Sipas tij, kosovarët do të humbisnin sovranitetin duke u futur në zgjedhën e 'minishejtanit', ende pa u njohur nga OKB.
Fuga shkruan se shqiptarët e Kosovës nuk janë idiotë që të hedhin poshtë mundin me gjak e sakrificë për pavarësinë e saj si dhe mbështetjen e SHBA-ve.
Akademiku shkruan:
Pse idiotë janë kosovarët që pasi fituan me gjak e sakrifica me mbështetjen amerikane dhe perëndimore pavarësinë, një rast që nuk vinte prej dekadash të tëra, pa asnjë garanci formale dhe juridike ndërkombëtare, ta humbisnin sovranitetin në vendimmarrje ekonomikë, politike, sociale duke futur kokën nën zgjedhën e minishejtanit? Ende pa iu njohur pavarësia dhe territori nga BE, dhe nga OKB?
Apo pasi dolën shtet me vete të rifuten andej nga dolën që t’u ndodhi si republikave ish-sovjetike te Azerbajxhanit, Kazakistanit, etj, qe ekonomikisht sapo dolen rihyne përsëri nën sqetullën e vellackos te madh? Fet e fet.
Kjo do ngjante sikurse nje gruaje qe e rreh burri, te divorcohet me mbeshtetjen e opinionit te lagjes, por pasi e bën këtë, pa u tharë vula te noteri, i mungon burri, rikthehet të ai, i hidhet ne qafe duke i thene : rrihme, rrihme i dashur!