Kristiano Ronaldo do gjithmonë të jetë i veçantë. Ylli portugez, partnerja e tij, Georgina dhe fëmijët, kanë zgjedhur një vend të veçantë për të festuar Krishtlindjen.
Kur dihet botërisht se Krishtlindja festohet zakonisht në vende të ftohta dhe me borë, sulmuesi i Juventusit ka dalë kundër rrymës.
Në një foto të postuar në “Instagram”, Ronaldo shihet me fëmijët e tij dhe një Babagjysh në një bregdet dhe vend të ngrohtë, teksa uron të gjithë fansat me rastin e festës së Krishtlindjes.
Së bashku me festën, 34-vjeçari ka zgjedhur edhe të relaksohet në plazh, pas disa momenteve jo shumë të mira që ka kaluar këtë sezon me Juventusin e tij.