Policia ka shpallur në kërkim një punonjës në Gardën e Republikës dyshuar se ka masakruar me leva bashkë me të tjerë, një shtetas, i cili ndodhet në spital në gjendje të rëndë për jetën.
Bëhet fjalë për Mariglen Hoxhallari, me detyrë punonjës në Gardën e Republikës.
Hoxhallari po kërkohet, pasi është vendosur nën hetim për vrasje me dashje të mbetur në tentativë.
Si rezultat i hetimeve të deritanishme, punonjësi i Gardës bashkë me persona të tjerë kanë sulmuar dhe kanë qëlluar shtetasin Ismet Llesho.
Mësohet se sherri ka nisur për motive të dobëta dhe nuk ka lidhje me detyrën e 35-vjeçarit Hoxhallari.