Festa e Krishtlindjes është kremtuar edhe në qytetin e Lezhës.
Qindra besimtare të krishtere u drejtuan mbrëmjen e kaluar në katedrales e “Shën Nikollit” për të pritur lindjen e Krishtit.
Në fjalën e tij gjatë Meshës, Ipeshkvi i Lezhës, Otavio Vitale foli edhe për tërmetin 26 nëntorit.
Ai theksoi se tërmeti nxori në pah varfërinë e Shqipërisë dhe korrupsionin në vend.
Ipeshkvi tha:
Është detyra e njeriut veçanërisht e atyre që kanë përgjegjësi publike të kujdesen për të në të gjithë përmasën e tij. Këto fjalë marrin peshe të veçantë veçanërisht pas asaj që ndodhi për shkak të tërmetit që solli vdekje dhe shkatërrim. Një tërmet që ka zbuluar Shqipërinë e vërtete të varfërisë dhe korrupsionit sepse kaq shumë vdekje dhe shkatërrim nuk do të kishte nëse ndërtesat e shembura do të ishin ndërtuar, duke ndjekur parametrat e sigurisë. Këtu mbizotëron interesi personal, korrupsioni dhe sjellja e paligjshme që rrezikon jetën e njerëzve. Shpresoj që kjo Krishtlindje të zgjoje ndërgjegjen e popullit shqiptar dhe mbi të gjitha të kërkojnë falje ato që shkaktojnë këto fatkeqësi sepse janë të korruptuar dhe nuk interesohen për të mirën e njerëzve”