‘Kjo është shtëpia juaj’/ I nxori nga vështirësia, Elvis Naçi i gëzon jetën familjes Pëllumbi

Familja Pëllumbi jeton në njësinë administrative Zall-Bastar, shumë pranë Tiranës.

Në kushte mjaft ekstreme dhe me një histori shumë të vështirë, gjyshja 69-vjeçare jeton me të bijën e saj dhe nipërit e mbesat.

Të vegjlit shprehen mjaft të mërzitur për vdekjen e babait të tyre dhe gjyshit, pasi kjo shtëpia nuk ka asnjë burrë në familje.

Njëra prej vajzave shprehet:

Babi më mungon shumë por edhe gjyshi si babai. Shkojmë tek varri i babit dhe i gjyshit ndonjëherë. Unë ndihmoj mamin kur ajo shkon në punë. Por këtu na mungojnë gjëra, kur bie shi, shtëpia lëviz jemi pa energji elektrike.

Mirëpo, jeta nuk do të jetë më kaq e trishtë për ta, pasi disa vizitorë i kanë zbukuruar ditën me lajmin emocionues.

Stafi i emisionit “Shqiptarët për shqiptarët” kanë surprizuar familjen duke u dërguar dhurata për fëmijët dhe ushqime.

Një person nga stafi tha:

Fëmijët të marrin diçka nga ana ime, por këtë familje nuk e kam parë në emision. Merrni pa problem çfarë të doni, unë banoj këtu afër, ejani tek banesa ime do ju jap pije të bisedojmë së bashku.

'Balkan Web' shkruan se familja nuk e di se shtëpia që sapo kanë mbërritur është në fakt shtëpia e tyre e re.

Madje ende në rol stafi po diskuton se duhet të nxitojnë t’i çojnë sërish në fshat fëmijët.

Papritur në shtëpi mbërrijnë Fatma dhe Elvis Naçi.

“Ju nuk do ikni në asnjë vend. Ta gëzoni shtëpinë”, u thotë Fatma.

“Kjo është shtëpia juaj, ta gëzoni”, thotë Elvisi.