Një banor i fshatit Manëz i ka bërë një apel rrëqethës qeverisë, duke kërkuar kështu një shtëpi që të fusë kokën.
Lulzim Lika për mikrofonin e “FaxNews”, theksoi se është jetim dhe ka qëndruar vetëm një natë në çadër pasi më pas koha u ftoh akoma edhe më shumë.
Ai thekson se e kishte të pamundur të flinte aty kështu që kërkon një shtëpi për të banuar.
Banori gjithashtu shprehet se banesa i është dëmtuar pas tërmetit të 26 nëntorit dhe deri më tani nuk ka ardhur askush për ndihmë, por është interesuar vetë.
Së fundmi, Lulzimi thotë se nga shteti nuk merr as asistencë e as ndihmë ekonomike.
Ai shprehet:
Me zor dola kur ra tërmeti, u rrëzova. Tani më kanë marrë njerëzit në fshat tek shtëpia e tyre. Në çadër nuk rrihet. Vetëm një natë qëndrova dhe pastaj u bë ftohtë. S’ka ardhur asnjeri. Jam interesuar vetë, por s’na ka parë njeri. Kanë sjellë vetëm ushqime dhe rroba. Vetëm unë jetoja në shtëpi. Jam jetim. Mami im është ndarë, më pas vdiq. Më vdiqën edhe dajat. Për 7 vite kam jetuar vetëm. Banesa kishte 4 dhoma. Kur ka punë punoj, kur nuk ka rri. Me ato të ardhura që fitoj, ha bukë. Kam tokë, por nuk e punoj se nuk kam mundësi. Kërkesa ime është që të më bëjnë një shtëpi, të jetoj. Kjo është e para. Nuk dua asgjë tjetër. Vetë nuk kam mundësi ta ndërtoj me aq punë sa bëj. Ajo është punë vetëm për të jetuar. Nga shteti nuk marr as asistencë, as ndihmë ekonomike.