Një shofer ka shpëtuar mrekullisht pas një incidenti fatal që i ndodhi teksa ishte në makinë.
29-vjeçari britanik, Carl Fisher, hodhi aromatizues ajri në mjetin e tij para se të ndizte një cigare, e cila shkaktoi aksidentalisht një shpërthim.
I riu pësoi djegie të tmerrshme në fytyrë dhe duar pas shpërthimit, i cili shkaktoi dëmtime të shumta edhe në makinë.
Ai tha se kishte hedhur shumë aromatizues në makinë dhe sado që hapi dritaret për 10 minuta, ende nuk ishte larguar era e fortë e parfumit.
Më tej, 29-vjeçari u shpreh se sapo ndezi çakmakun e tij, një shpërthim i fuqishëm ndodhi, që thyeu edhe dritaret e një biznesi aty pranë.
Duke folur për The Sun, Fisher tha:
29-vjeçari nga Halifax, Yorkshire u dërgua në spital, ku u trajtua për plagët e marra. Tashmë ai po kurohet në shtëpi dhe ndodhet në gjendje të mirë shëndetësore.
Burimi: LADBible|Përktheu dhe Përshtati: JOQ Albania