Tërmeti i prishi shtëpinë, nëna apel për ndihmë: Kryeministër reagoni sepse kam dy fëmijë të vegjël në çadër

Vijon drama e banorëve të prekur nga tërmeti, të cilët pas katastrofës natyrore po vuajnë edhe mungesën e përkrahjes nga shteti.

I tillë është edhe rasti i një nëne me dy fëmijë të vegjël, që jeton në një çadër në fshatin Borizanë të Krujës.

30-vjeçarja, shtëpia e së cilës pësoi dëmtime të rënda nga tërmeti dhe u shpall e pabanueshme nga ekspertët, i bën apel shtetit ta ndihmojë, pasi kushtet në çadër në këto ditë të ftohta janë tepër të vështira.

Ajo i drejtohet kryeministrit Rama, të cilit i kërkon të vendosë dorën në zemër.

Nëna e dy fëmijëve apelon:

Zoti kryeministër reagoni sepse kam dy fëmijë në çadër, ju lutem vendosni dorën në zemër."

Përveç Durrësit dhe Thumanës, dy zonat më të prekura nga tërmeti, edhe në fshatrat e Krujës ka patur dëmtime të shumta në banesa, ku shumë familje kanë mbetur pa një strehë në kokë.