Denoncimi/ “Jo vetëm që s’i ndihmon, por qeveria nis gjobitjen e banorëve që riparojnë shtëpitë e dëmtuara nga tërmeti”

Zona e Ishmit në Durrës ka qenë një ndër më të prekurat nga tërmeti shkatërrimtar i 26 nëntorit, për shkak të distancës së afërt me epiqendrën e lëkundjeve të fuqishme sizmike që tronditën vendin.

Banorët, të cilët shprehen se jo vetëm që s'janë ndihmuar nga shteti, por INUK po i gjobit pasi kanë bërë punime për riparimin e shtëpive të dëmtuara nga tërmeti.

Një prej banorëve të fshatit Shetaj në Ishëm denoncoi inspektorin e INUK-ut të Durrësit, Ardit Halili, i cili sipas tij e gjobiti me 5 milionë lekë.

Ai u shpreh:

Shtëpinë po e rregulloj me të ardhurat e mia. Askush s’më ka ndihmuar. Po punoj me fjalën e Edi Ramës se kush ka lek ta ndërtojë vetë shtëpinë. Tani po na vë gjoba."

Ai e denoncoi skandalin gjatë një takimi që zhvilloi në këtë zonë ish-deputeti demokrat, Luan Baçi.

Ky i fundit ka shpërndarë videon në rrjetet sociale.