Ashtu si vitet e tjera, edhe këtë herë Festivali i 58-të i këngës në RTSH u shoqërua me polemika të shumta, sidomos pas mbrëmjes së të dielës ku u shpall fituese kënga "Shaj" e Arilena Arës.
Polemikat për këtë festival nisën një muaj më parë, ku një gazetar i RTSH dërgoi në redaksinë e JOQ Albania foton e një zarfi ku shkruhej "MOS E HAP, brenda së cilit ishte një letër, sipas të cilit përcaktohej dhe fituesi pa nisur ende gara. Në letër shihej se fitues i Festivalit do të ishte këngëtarja Elvana Gjata.
Ndërkohë që Festivali i RTSH-së është komentuar edhe nga gazetari Arian Çani, i cili ka përshëndetur vendimin e jurisë për përzgjedhjen e këngës së Arilena Arës, e cila do të përfaqësojë Shqipërinë në Eurovizionin e vitit të ardhshëm, që do të zhvillohet në Holandë.
Më tej Çani ka ironizuar edhe regjizoren Vera Grabockën, e cila ishte një nga drejtueset e Festivalit, për të cilën thotë se ka shpëtuar fytyrën duke anulluar fituesen që përflitej prej kohësh.
Gazetari përmend edhe këngëtaren Elvana Gjata, por duke e quajtur "ajo tjetra", ndërsa shton se "shyqyr që s'e mori, se do ishte një turp i madh".
Reagimi i plotë: