“Qeveria po ua fsheh shqiptarëve”, aktivisti: Serbët do të kenë të drejtë të blejnë toka në bregdetin shqiptar

Gazetari dhe aktivisti, Aulon Kalaja, ka bërë një deklaratë të fortë mbrëmjen e sotme për sa i përket "Minishengenit Ballkanik".

I ftuar në emisionin "360 Gradë" në RTV Ora, ai tha se problemi më shqetësues i këtij projekti është se qytetarët serbë fitojnë të drejtën për të blerë prona në bregdetin shqiptar.

Kalaja theksoi kjo gjë po fshihet nga qeveria,ndërsa shtoi se aleatët strategjikë të shqiptarëve janë Uashingtoni e Brukseli dhe jo Moska e Beogradi.

Ai tha:

Serbia prodhon deri te automjetet, ne nuk prodhojmë asgjë. Ka oligarkë më të mëdhenj se Shqpëria, tregun e hidrokarbureve. Ajo që fshihet nga ky minishengen është e drejta e serbëve për të blerë toka në bregdet, pse nuk e thotë kryeministri? Do të kemi serbë që do të vinë. Kanë kapacitete më të mëdha ekonomike, ne çfarë masash marrim? Kush është zoti Rama që merr peng aspiratat e një vendi? Për shqiptarët dielli lind në perëndim dhe aleatët strategjikë të shqiptarëve janë Uashingtoni dhe Brukseli dhe jo Moska dhe Beogradi."