Bashkia e Dibrës e shpalli “qytetar nderi”, shpërthen Agron Tufa: Haxhi Lleshi, tiranozaur i komunizmit dhe vegël e jugosllavëve

Ish-kreu i Institutit për Studimin e Krimeve dhe Pasojave të Komunizmit, Agron Tufa, ka reaguar pas vendimit për t'i dhënë titullin "qytetar nderi" pas vdekjes Haxhi Lleshit, i cili ka qenë një nga themeluesit e Partisë Komuniste Shqiptare, si dhe ka mbajtur një sërë postesh të rëndësishme në diktaturën komuniste, nga kryetar i Kuvendit Popullor deri tek posti i ministrit të Brendshëm.

Tufa e konsideron tragjikomik, grotest, turpërues dhe antikronik këtë vendim të Bashkisë së Dibrës.

Përmes një reagimi në "Facebook", Tufa e cilëson Haxhi Lleshin si "tiranozaur të komunizmit" dhe "ish-vegël të serbo-jugosllavëve."

Më tej, ai thekson se "Rilindja" po restauron terësisht rekuizitën komuniste të diktatorit Enver Hoxha.

Reagimi i plotë:

Tragjikomik, grotesk, turpërues e anakronik akti i dhënies së titullit “Qytetar nderi” për tiranozaurin e komunizmit Haxhi Lleshin nga bashkia e Peshkopisë! Haxhi Lleshi, ish-vegël e komunistëve serbo-jugosllavë gjatë luftës së ashtuquajtur NÇL dhe Kryetar i Kuvendit Popullor gjatë regjimit enverist, duhej të ishte kandidati i parë për “Qytetar turpi!”. Po si duket, epoka e Rilindjes po na e restauron tërësisht rekuizitën komuniste të diktatorit Enver Hoxha! Bravo! Kështu shkohet drejt BE dhe vlerave të saj! O turp, ku e ke skuqjen!"