Vijon drama për të prekurit nga tërmeti, banorët në Bubq flenë në çadra e makina

Përveç Durrësit e Thumanës, tërmeti i 26 nëntorit shkaktoi dëmtime të konsiderueshme edhe në zonën e Bubqit, ku shumë shtëpi u shpallën të pabanueshme pas kqyrjes nga ekspertët.

Kjo ka detyruar shumë banorë të flenë nëpër çadra, në oborret e të afërmve të tyre, ndërsa ka dhe të tjerë që flenë në makinë.

Ata shprehen se jetesa për ta është bërë mjaft e vështirë.

Për "Abc News", një nga banorët shprehet:

Nëpër çadra të gjithë, unë për vete flej në makinë."

Ata thonë se janë në pritje të bonusit të qirasë dhe nuk duan të largohen nga zona e Bubqit, pasi aty sigurojnë jetesën me anë të blegtorisë.

Banorët shprehen se duan të strehohen aty pranë, ndërsa kërkojnë sjelljen e ndonjë kontejneri, pasi nuk mund të qëndrojnë gjithë kohën tek të afërmit e tyre.

Njëra nga banoret thotë:

Nëse është e mundur të na sjellin ndonjë kontejner sepse është e pamundur të qëndrojmë tek të afërmit tanë deri kur të përfundojnë këto punë.'