Një djalë i vogël u përball me momentin më të frikshëm të jetës së tij, teksa kishte shkuar në një kopsht zoologjik me babain e tij.
Vogëlushi i quajtur Sean, ishte duke bërë një foto në ambientin e brendshëm në kopshtin zoologjik të Dublinit dhe i kishte kthyer shpinën një tigri që ndodhej pas tij.
Siç shihet dhe në video, tigri fillimisht i afrohet ngadalë djalit të vogël, dhe më pas hidhet me shpejtësi në drejtim të tij
Teksa Sean është gati të pozojë, tigri papritmas vjen drejt tij me shpejtësi dhe përpiqet të hidhet mbi të, duke u përplasur me xhamin mbrojtës.
Vogëlushi u tmerrua kur pa veprimin e befasishëm e kafshës, ndërsa disa nga dëshmitarët qeshnin, të tjerët ulërisnin.
Momenti i pazakontë dhe i frikshëm u postua në Twitter të dielën nga babai i Sean, i cili shkroi:
Imagjinoni se ç'mund të kishte ndodhur nëse nuk do të kishte qenë xhami mbrojtës...
Burimi: Daily Mail|Përktheu dhe Përshtati: JOQ Albania