Vijon të diskutohet ende rasti i Kostandin Kacifas, ekstremistit grek që u vra vitin e kaluar në Bularat të Gjirokastrës nga forcat RENEA.
Ndërkohë, raportohet se dosja që i kishte kaluar Prokurorisë së Krimeve të Rënda, nuk do të hetohet më nga ajo pasi u shkri si Prokurori.
Bëhet me dije se tashmë hetimet i kanë kaluar Prokurorisë Gjirokastër.
Pra e thënë ndryshe, kjo dosje nuk do të hetohet SPAK, sikundër ishte përfolur.
Kjo do të jetë vetëm një nga dosjet që pas shkrirjes së Prokurorive të Krimeve të Rënda do ti kalojë prokurorive në rrethe.
Ndërkohë që jo të gjitha dosjet do të hetohen nga SPAK.