Nënkryetari i LSI-së, Petrit Vasili ka folur në lidhje me Minishengenin Ballkanik, duke iu referuar kështu më së tepërmi Ramës dhe gjuhës së tij që përdori ndaj institucioneve dhe liderëve të Kosovës.
Pasi e quajti Haradinajn të paditur dhe gënjeshtar, shumë e kanë kryqëzuar Ramën për fjalët e tij.
Ndërkohë, Vasili tha se askush më parë nuk ka guxuar nga liderët shqiptarë të flasë me një gjuhë të tillë ndaj Kosovës dhe kjo është një ditë e zezë për Ramën.
Më tutje, Vasili theksoi se duhet të kishim monitorim ditë pas dite se çfarë ka bërë qeveria për të plotësuar kushtet e vendosura.
Ai e ka cilësuar gjuhën e Ramës të njëjtë me atë të Millosheviçit.
"Kurse ne kemi një kryeministër që flet egërsisht sikur të ishte gjallë Millosheviçi. Ky harron që marrëdhënia e Shqipërisë me Kosovën shkon dhe përtej politikës. Askush nuk ka guxuar më parë të përdorë një gjuhë të tillë ndaj Kosovës. Gjitha këta burra kanë qenë të kujdesshëm ndaj Kosovës", tha Vasili.
Vasili tha për Syri.tv se:
Ne çfarë do marrim? Do të marrim nga standardet oligarkëve ballkanikë apo na interesojnë standardet ekonomike që hapin mundësi dhe perspektiva evropiane. Dhe kjo pse? Sepse Edi Rama do të mbajë pushtetin me një grusht oligarkësh në një qeverisje të kalbur. Kanë kaluar 2 muaj e gjysmë që nga koha kur morëm përgjigje negative për hapjen e negociatave. Ne duhet të kishim monitorim ditë pas dite se çfarë ka bërë qeveria për të plotësuar kushtet e vendosura. Mjafton këtu tju kujtoj liberalizimin e vizave. Ndërkohë që Shqipëria kishte një sfidë madhore liberalizimin e vizave, po ama që të arrihej kjo liri ishin 2200 pyetje, kishte një monitorim të përditshëm nga qeveria dhe një mobilizim mbarëqytetarë dhe si përfundim liberalizimi i vizave u fitua. Sot media nuk raporton dot se çfarë ka ndodhur më frontin evropian dhe çfarë ka bërë qeveria. Ç’lajm të mirë ka prodhuar Shqipëria në këto dy muaj. Ne nuk duam të integrohemi në Minishengenin e tre vendeve por në Evropë. I dërguari i Presidentit Trump për dialogun serb në Kosovë, tha se nuk mund të ketë një projekt pa Kosovën. Kurse ne kemi një kryeministër që flet egërsisht sikur të ishte gjallë Millosheviçi. Ky harron që marrëdhënia e Shqipërisë me Kosovën shkon dhe përtej politikës. Askush nuk ka guxuar më parë të përdorë një gjuhë të tillë ndaj Kosovës. Gjitha këta burra kanë qenë të kujdesshëm ndaj Kosovës.