Mësohet identiteti i viktimës në aksidentin rrugor, i ndodhur pasditen e sotme në aksin rrugor Elbasan-Cërrik.
Ai është 35-vjeçari Ervis Driza, që po qarkullonte në këtë aks me një motoçikletë. Ndërkohë i plagosur ka mbetur edhe shtetasi Fatos Qosa, 56-vjeç, edhe ky në motoçikletë me viktimën.
Mjeti, tip Audi, që përplasi motoçikletën, drejtohet nga shtetasi A.SH, 25 vjeç, banues në fshatin Jagodin, Elbasan, i cili është shoqëruar edhe në polici.
Njoftimi i policisë:
Elbasan / Informacion paraprak
Në aksin rrugor Elbasan –Cërrik, shtetasi A.Sh., 25 vjeç, banues në Jagodin, Elbasan, duke drejtuar mjetin tip “Audi”, është përplasur me një motoçikletë me drejtues shtetasin E. D., 35 vjeç, banues në fshatin Shirgjan.
Si pasojë e aksidentit ka ndërruar jetë drejtuesi i motoçikletës , si dhe është plagosur jashtë rrezikut për jetën shtetasi F.Q., 56 vjeç, i cili ishte pasagjer në motoçikletë . Drejtuesi i mjetit është shoqëruar në Komisariatin e Policisë Elbasan, për veprime të mëtejshme procedurale.
Grupi hetimor ndodhet në vendngjarje dhe po punon për zbardhjen e shkakut të aksidentit.