Regjisori Kastriot Çipi i është përgjigjur aktorit Laert Vasilit, i cili publikoi një video mbrëmjen e djeshme dhe pretendon se është dhunuar nga artistët te Teatri Kombëtar.
Regjisori me anë të një postimi në rrjete sociale ka përgënjeshtruar akuzat e aktorit i cili tha se Robert Budina i kishte futur thonjtë në fyt.
Më tutje, ai e sulmon duke thënë se Vasili ka më shumë shanse të hiqet si viktimë e dhunës për shkak të orientimit seksual, duke shtuar se mund të marrë edhe mbrojtje nga ndërkombëtarët.
Çipi shkruan:
Idea nuk ishte e keqe. Fundja, dikush, që pas rrahjes është bërë ministër, mund të ketë aq mirëkuptim, sa të të bëjë drejtor teatri në Durrës. Por realizimi le shumë për të dëshiruar… Proteza ortopedike përdoret për thyerje qafe, jo për ngulje thonjsh… Dëgjo këshillën time: ke më shumë shanse nëse hiqesh si viktimë e dhunës për shkak të orientimit seksual. Të mbrojnë edhe ndërkombëtarët.
Nga ana tjetër, Laert Vasili publikoi një foto nga spitali teksa merrte shërbim, ku shkruante se ishte dhunuar te Teatri.