Shqipëria u përfshi ditën e sotme nga rreshje dhe përmbytje të shumta, që sollën problem në shumë qytete e fshatra të vendit.
Pas kësaj një video është publikuar nga Zall Bastari ku tregon se si nxënësit e kësaj zone duhet të kalojnë mbi një urë pothuajse të shkatërruar, për të shkuar në shkollë.
Videoja është publikuar nga PD, e cila shton gjithashtu se në këtë kohë të keqe janë izoluar më shumë se një mijë banorë, pasi nuk kanë se ku të kalojnë.
PD shkruan se kryebashkiaku i Tiranës, Erion Veliaj dhe Xhemal Qefaliaj kanë inspektuar punime për të nisur ndërtimin e kësaj ure por nuk ka ndodhura një gjë e tillë.
Thuhet gjithashtu se fondet për urën e Zall Bastarit shkuan në Surrel, për kompaninë e ish kryetarit të komunës Dajt, Kujtim Qefaliaj, njëkohësisht edhe kryetar i njësisë administrative Dajt, duke lënë këtë zonë në këto kushte.
