Lideri i VMRO-DPMNE-së, Hristian Mickoski, ka deklaruar se emri i ri i shtetit tani më është realitet që nuk mund të injorohet. Në intervistë për REL, Mickoski tha se nuk mund ta injorojnë realitetin, por do të luftojnë që ta ndryshojnë. Ai ka deklaruar se se atë që e ka thënë shumë herë në të kaluarën, mund ta përsërit edhe 100 herë, por do të ishte dyftyrësi nëse flasin për diçka që është e kundërta e realitetit.
I pyetur nëse do të koaliconojnë me BDI-në, nëse fitojnë zgjedhjet parlamentare, Mickoski është përgjigjur se kanë qëndrim principiel se do të koaliciojnojnë me çdo parti politike që do ta pranojnë platformën e tyre, përkatësisht programin politik.
“Do të ulim, do të bisedojmë, do të negociojmë dhe pse jo edhe do të koalicionojmë. Nuk kemi preferenca ndaj as njërës, kemi relacione me të gjitha partitë politike që janë përfaqësuese të shqiptarëve, kemi me partitë politike që nuk janë përfaqësuese të shqiptarëve, por të etniteteve tjera, këshu që do të kemi programë në tavolinë dhe vis a vi programit të tillë, nëse gjejmë pikë lidhëse, pse jo”, tha kreu i VMRO-DPMNE-së.