Vizita në Tiranë e presidentit serb, Aleksandër Vuçiç, në kuadër të të të ashtuquajturit "Samiti i mini-Shengenit Ballkanik", është shoqëruar me protesta e reagime të ashpra, nga shoqëria civile, politikanë të ndryshëm, por edhe artistë e këngëtarë.
Ndonëse Kosova nuk mori pjesë në këtë takim, kjo gjë s'e ndali kryeministrin Rama që ta çojë deri në fund planin e tij me Vuçiç e Zaev.
Së fundmi, reperi kosovar, Arian Agushi, i njohur ndryshe si Gold AG, ka shkruar disa vargje, me të cilat i drejtohet i revoltuar kryeministrit Rama.
Në poezinë e postuar në rrjetet sociale, reperi shkruan ndër rreshta se Rama, me këtë takim, i nguli thikën pas shpine Kosovës.
Ai i kujton kreut të qeverisë shqiptare, se gjaku i fëmijëve të vrarë në varre nuk ka për t'ja bërë "hallall" këtë pabesi që u bëri shqiptarëve të Kosovës.
Postimi i plotë:
“Edi Ramë o Edi Ramë e prite shkaun në Tiranë, A harrove që Kosova atë Shqipni e thërret nanë.
Edi Ramë i vure pikë e prite shkaun me muzikë, Në këtë natë krejt Kosovës mbrapa shpinës i vure thikë.
Edi Ramë o Edi Ramë athu kush xhepat ti mbushi, Mos mendo se biri shkinës t’do më shumë sesa Ramushi.
Edi Ramë o Edi Ramë mjer Shqipnia e mjerë shteti, Je bo si ai personazhi “Me vlla n’gjyq me baxhanak n’deti”
Edi Ramë mendo pak se ai fëmijët na i vrau n’prag, Shiko kur i flet për dore mos po ta bënë dorën me gjak.
Edi Ramë mjerë për ty Edi Ramë mjerë për ne, Thuj shkavellit kur t’nis himni mos t’çohet n’kam por le t’hin n’dhe.
Edi Ramë o mjekërr bardhë n’pikë t’mëngjesit t’kemi ardhë, Por si duket puna jote po na del bisht me dardhë.
Edi Ramë o Edi Ramë bëj çka dush kur nuk ke marre, POR DIJE QË S’TA BËN HALLALL GJAKU I FMIVE NËPËR VARRE”.
