Dhënia me koncesion e ujërave termale është kundërshtuar nga banorët e Peshkopisë, të cilët kanë kërkuar shfuqizimin dhe anulimin e këtij vendimi.
Përfaqësuesit e 35 hoteleve dhe më shumë se 200 familjeve pritëse, u takuan ditën e sotme me prefektin dhe përfaqësues të Bashkisë ku kundërshtuan dhënien e lejes, me pretendimin se Inspektoriati Teknik i Këshillit është shprehur se janë dhënë vetëm 6.1 litra në sekondë, duke menduar se janë disa burime, por në fakt aty ka vetëm një burim me 8.7 litra për sekondë.
Dyshimet e banorëve janë se Bashkia ka lënë qëllimisht hapësirë për të ndihmuar dhënien me koncesion të llixhave, shkruan Tch.
Prefekti Nexhbedin Shehu u premtoi banorëve se shqetësimet e tyre do t’ia përcjellë Prefektit të Shkodrës, në cilësinë e kryetarit të Këshillit të Basenit, por edhe kryeministrit, për t’u shqyrtuar sërish mënyra sesi është vepruar për dhënien me koncesion të llixhave.
