“Kërriç me Yaris, derrkuc qepe gojën”, Basha del nga vetja në Parlament

Janë ashpërsuar tej mase tonet gjatë ditës së sotme në Kuvendin e Shqipërisë, ku deputetët Taulant Balla e Lulzim Basha nuk i kanë kursyer ofendimet ndaj njëri-tjetrit.

Basha e quajti Ballën kërriç me Toyota Yaris dhe i kërkoi disa herë të qepte gojën.

Kreu i demokratëve u shpreh:

Kërriç me Toyota Yaris, derrkuc qepe gojën, qepe gojën! Rilindja ka dalë lakuriq, cullak dhe të gjithë e kanë kuptuar se ajo është një kërmë që mbjell kolerën, kudo ku shkon. Numri 2 i PS është garanti i pastrimit të parave të krimit e mafias”.

Në fjalën e tij, Balla ia ktheu me të njëjtën monedhë, duke i bërë me dije edhe një herë se ka bërë kallëzim penal ndaj Bashës.

Madje, duke folur për Klement Balilin dhe krimin në Shqipëri, Balla tha:

Në vitin 2005-2009, ai Klement Balili që foli Donald Lu-ja, ka qenë juaji, anëtar i partisë tuaj. Në vitin 2013-1015-2017 është bërë anëtar i LSI se deri në vitin 2005 ka qenë miku juaj. Madje, unë kam të dhëna se ata të Toyota Yarisit janë filmuar me ty e kanë qenë edhe sponsorizues të çadrës tënde".

Balla i kërkoi disa herë Bashës të ngrinte kokën e ta shikonte në sy, teksa ky i fundit merrej me telefonin.

Në vijim, teksa mori sërish fjalën, Basha nuk ndalonte së quajturi Ballën "kërriç me Yaris".

Ndërsa përmendi edhe një herë vëllanë e ministritë Brendshëm, Fatmir Xhafaj, si të inkriminuar në çështje droge.