Një ngjarje e rëndë është shënuar këtë të premte pranë trasesë së hekurudhës që lidh Peqinin me Elbasanin, ku është gjetur i pajetë 67-vjeçari Bujar Mezini. Trupin e viktimës e ka zbuluar një kalimtar i rastësishëm, i cili ka njoftuar menjëherë policinë lokale.
Dyshohet se Mezini ka ndërruar jetë për shkaqe natyrale, pasi kohët e fundit kishte pësuar hemorragji cerebrale, e cila mund të ketë ndikuar në përkeqësimin e gjendjes së tij shëndetësore. Grupi hetimor ndodhet në vendngjarje për të sqaruar rrethanat e plota të ngjarjes.
