Një ngjarje e rëndë është regjistruar në qytetin e Selanikut, ku një 26-vjeçar shqiptar është gjetur i vdekur në një apartament Airbnb në rrugën Orfanidou 8, në katin e gjashtë, pranë rrugës Dodekanisou.
Sipas informacioneve paraprake nga policia greke, i riu dyshohet se është vetëqëlluar me armë zjarri, pasi në trupin e tij janë konstatuar plagë të shkaktuara nga armë.
Në vendngjarje ndodhen forcat e DIAS dhe mjeku ligjor, i cili po kryen ekzaminimet për të përcaktuar nëse bëhet fjalë për vetëvrasje apo një vrasje aksidentale.
Hetimet për zbardhjen e plotë të rrethanave të ngjarjes vijojnë nga autoritetet greke.
