Pas disa orë kërkimesh, policia ka arrestuar në malet e fshatit Gjorm 32-vjeçarin Bertil Alliaj, i dyshuar për vrasjen e kushëririt të tij, 36-vjeçarit Dalan Alliaj.
Sipas njoftimit të policisë, gjatë operacionit është sekuestruar arma e zjarrit, një pistoletë, e dyshuar si e përdorur në krim, bashkë me 10 fishekë.
Bertil Alliaj rezulton të jetë një person me rrezikshmëri të lartë shoqërore, i dënuar në mungesë me 35 vite burg për “Masakrën e Çoles”, ngjarje e ndodhur në vitin 2015, ku mbetën të vrarë tre të rinj pas një konflikti për motive banale.
Për këtë ngjarje janë dënuar edhe Aleksandër Llanaj dhe Ani Begaj, ky i fundit u kap dy vite më parë pas disa vitesh në arrati.
Në “Masakrën e Çoles” humbën jetën Akil Hasanaj (alias Haki Rakipaj, 29 vjeç), Ardi Velaj (alias Ferdian Velaj, 27 vjeç) dhe Albi Limaj (21 vjeç).
Alliaj ndodhej në arrati prej vitit 2015.
