Një 36-vjeçar ka humbur jetën mbrëmjen e kësaj të shtune në fshatin Gjorm të Selenicës, pasi u qëllua me armë zjarri në rrethana ende të paqarta.
Sipas të dhënave paraprake, i riu ishte në vizitë tek të afërmit e tij kur ndodhi ngjarja tragjike. Raportohet se të afërmit e kanë gjetur pa shenja jete dhe e kanë transportuar drejt spitalit të Vlorës.
Pamjet e siguruara nga JOQ Albania tregojnë momentin kur trupi i pajetë i 36-vjeçarit mbërrin në spital.
Policia dhe grupi hetimor ndodhen në vendngjarje dhe po punojnë për të zbardhur rrethanat e plota të ngjarjes, si dhe për identifikimin e autorit të dyshuar.
