Një qytetar nga Tirana i është drejtuar redaksisë së JOQ Albania për të denoncuar një rast që, sipas tij, ka ndodhur pak më parë në zonën e Astirit, ku një automjet ka përplasur makinën e tij të parkuar dhe më pas është larguar nga vendngjarja.
Sipas qytetarit, pas përplasjes mjeti i tij ka pësuar dëmtime të dukshme, mes të cilave thyerje të pasqyrës dhe gërvishtje të konsiderueshme në njërën anë të automjetit. Në videon e dërguar në redaksi duken qartë shenjat e dëmit të shkaktuar.
Ai thotë se, sipas dëshmitarëve në vendngjarje, automjeti që shkaktoi dëmin ishte një BMW, që u largua menjëherë pas incidentit.
“Personi që e ka bërë këtë të paraqitet sa më shpejt për ta zgjidhur, ndryshe do ta denoncoj në polici,” është apeli i qytetarit.
