Të paktën tre persona kanë humbur jetën në Xhamajka, ndërsa Uragani Melissa tashmë i klasifikuar si një uragan i Kategorisë 5 pritet të zbarkojë në ishull të martën pasdite, duke sjellë erëra mbi 175 milje në orë, përmbytje masive dhe valë të mëdha. Autoritetet kanë urdhëruar evakuime masive dhe kanë hapur qindra strehimore për të përballuar stuhinë që meteorologët amerikanë e kanë cilësuar si katastrofike.
https://twitter.com/i/broadcasts/1yNxabAoZPXKj
Edhe pse bërthama e uraganit ndodhet ende larg bregdetit, brezat e jashtëm të tij kanë filluar të godasin Xhamajkën, duke shkaktuar rrëshqitje dheu, pemë të rrëzuara dhe ndërprerje të energjisë elektrike. Ministri i Transportit, Robert Morgan, deklaroi se ekipet e emergjencës kanë pastruar shumicën e rrugëve të bllokuara, por paralajmëroi qytetarët të tregojnë kujdes për shkak të rrezikut nga rrëzimet e gurëve.
Inside the eye of Hurricane Melissa, the Category 5 hurricane expected to devastate Jamaica. pic.twitter.com/Cy1p86ag6A
— Suburban Black Man 🇺🇸 (@niceblackdude) October 28, 2025
Sipas autoriteteve, viktimat përfshijnë një burrë që u mor nga uji i rrëmbyeshëm ndërsa pastronte kanalizimet, një tjetër që u godit për vdekje nga një pemë, dhe një të tretë që vdiq pas rrëzimit nga çatia e shtëpisë. Përveç tyre, katër persona të tjerë kanë humbur jetën në Haiti dhe Republikën Dominikane, duke e çuar në shtatë numrin e përgjithshëm të viktimave që lidhen me kalimin e uraganit Melissa në Karaibe.
