Një ngjarje e rëndë ka ndodhur mbrëmjen e sotme në aksin rrugor Krujë–Fushë Krujë, ku një këmbësor ka humbur jetën pasi është përplasur nga një automjet.
Sipas njoftimit zyrtar të policisë, rreth orës 21:00, shtetasi T. S., 20 vjeç, duke drejtuar automjetin e tij, ka aksidentuar një person që po lëvizte në rrugë. Për pasojë, këmbësori ka ndërruar jetë në vend.
Viktima ende nuk është identifikuar nga autoritetet, ndërsa drejtuesi i automjetit është shoqëruar në komisariat për veprime të mëtejshme hetimore.
Policia dhe grupi hetimor po punojnë për të përcaktuar rrethanat dhe shkakun e aksidentit, ndërsa trupi i pajetë i viktimës është dërguar në morg për identifikim dhe ekspertizë mjeko-ligjore.
