Një incident i pazakontë është regjistruar në qytetin e Beratit, ku një punonjës policie është përfshirë në një konflikt me një qytetar që ka kundërshtuar urdhrat e tij, duke çuar situatën deri në përplasje fizike.
Sipas informacioneve të mbërritura në redaksinë tonë, polici kishte ndaluar një të ri për kontroll, por ky i fundit ka reaguar menjëherë me kundërshtim. Pas daljes nga automjeti, qytetari dëgjohet t’i thotë efektivit: “Hiqe uniformën dhe hajde dalim.”
Në atë moment, polici ka përplasur derën e makinës, ndërsa qytetari e ka shtyrë atë me forcë. Një grua që ndodhej aty pranë ka ndërhyrë menjëherë për të parandaluar përshkallëzimin e mëtejshëm të situatës.
Pamjet e ngjarjes janë dërguar nga një qytetare, e cila ka shoqëruar videon me komentin: “Në Berat, qytetari goditi policin.”
