Një qytetare nga Durrësi i është drejtuar redaksisë së JOQ Albania për të denoncuar një rast shqetësues që lidhet me cilësinë e produkteve ushqimore në treg.
Ajo tregon se ka blerë një kos grek në “Primo Supermarket”, në zonën e Shkozetit, por pasi e hapi, vuri re se produkti ishte i prishur dhe kishte shtresë myku. Qytetarja ka dërguar edhe një video ku shihet qartë pjesa e prishur e kosit.
Denoncuesja kërkon që rasti të bëhet publik për të rritur vëmendjen ndaj kontrolleve ushqimore në marketet e mëdha, duke theksuar se produkte të tilla mund të rrezikojnë shëndetin e konsumatorëve.
Mesazhi i qytetares:
“Përshëndetje JOQ, Doja të ndaja këtë rast shqetësues: sot bleva këtë produkt në Supermarket Primo, Shkozet (Durrës) dhe sapo e hapa, gjeta që kosi grek ishte i prishur me shtresë të dyshimtë sipër. E konsideroj të papranueshme që në markete të shiten produkte të tilla që mund të rrezikojnë shëndetin e konsumatorëve. Ju lutem ta bëni publik këtë rast që të tregohet më shumë kujdes me kontrollin e ushqimeve.”
