Në Turqi, një burrë pranoi të paguajë alimentacion për dy mace pas shkurorëzimit.
Sipas marrëveshjes së shkurorëzimit, ai u angazhua të transferojë 10 mijë lira turke (330 dollarë euro) çdo tre muaj për ish-gruan e tij – për dhjetë vjet ose sa kohë që macet jetojnë.
Ish-gruas iu dha kujdestaria e plotë e maceve, si dhe një kompensim prej 550 mijë lirash (18 mijë dollarë).
Gjykata ende nuk ka nxjerrë një vendim përfundimtar, por kjo duket të jetë rasti i parë zyrtar i alimentacionit për mace në historinë ligjore turke.
Kur dashuria shkon, por macet mbeten.
Sipas ligjit turk për mbrojtjen e kafshëve (No. 5199), kafshët konsiderohen “qenie të gjalla që ndiejnë”, por deri tani nuk kishte pasur një rast ku një gjykatë ose marrëveshje divorce të parashikonte detyrime financiare për mirëqenien e tyre.
Ky vendim po shihet si një hap drejt modernizimit të qasjes ligjore ndaj kafshëve shtëpiake, në një vend ku kujdesi ndaj maceve ka një traditë të thellë kulturore. Në Stamboll, macet janë simbol i përditshmërisë urbane – pjesë e rrugëve, lokaleve dhe lagjeve, të dashura e të ushqyera nga komuniteti.
Në rrjetet sociale, përdoruesit kanë reaguar me humor, por edhe me simpati për rastin. “Dashuria mbaroi, por përgjegjësia mbeti”, shkruan një komentues turk, ndërsa një tjetër shton: “Macet fituan divorcin.”
