Ndërsa vendi po përgatitet për zgjedhjet e parakohshme për bashki, vazhdojnë denoncimet për pagesat e papaguara të komisionerëve. Një komisioner i njësisë 4 në Tiranë, i cili ka qenë pjesë e punës në zgjedhjet e 11 Majit shkruan për JOQ se ndonëse kanë kaluar 5 muaj, ende nuk kanë marrë pagesat nga kryekomisioneri Ilirjan Celibashi.
Komisionerët e zgjedhjeve të 11 Majit ende nuk kanë marrë plotësisht pagat e tyre, pavarësisht angazhimit të tyre gjatë procesit zgjedhor. Kjo ka krijuar një situatë shqetësuese për komisionerët, të cilët presin kompensimin e duhur për punën e kryer. Komisionerët kërkojnë zgjidhje të shpejtë dhe transparencë nga KQZ.
Denoncimi i komisionerit:
Përshëndetje JOQ! Ndjesë për shqetësimin. Ndërkohë që vendi po bëhet gati për zgjedhjet e bashkisë u bëj me dije se, akoma pas 5 muajsh, nuk janë marrë plotësisht lekët e komisionerëve në zgjedhjet e 11 Majit në Tiranë, të njësisë 4. E sa mund të presim? Është vërtetë e habitshme mënyra sesi nuk e kanë zgjidhur këtë problem. Ilirjan Celibashki kreu i KQZ nuk ka na ka shpërndarë lekët.
