Dogana e Kosovës ka njoftuar se në Vërmicë ka ndaluar barna dhe suplemente të padeklaruara.
Vlera e pergjithshme e mallrave të ndaluara arrin shumën mbi 1,600 euro.
Postimi:
Ndalohen barna dhe suplemente të padeklaruara në Vërmicë
Prizren, 21 Tetor 2025 – Zyrtarët doganorë në Pikëkalimin Kufitar në Vërmicë kanë ndaluar mbrëmë një automjet gjatë një kontrolli rutinë, ku është zbuluar një sasi barnash dhe suplementesh të padeklaruara, të fshehura në bagazhin e automjetit.
Vlera e pergjithshme e mallrave të ndaluara arrin shumën mbi 1,600 euro.
Në bazë të legjislacionit në fuqi, ndaj personit përgjegjës është iniciuar procedurë për kundërvajtje doganore, ndërsa mallrat janë ndaluar deri në përfundimin e procedurave përkatëse.
Dogana e Kosovës rikujton të gjithë qytetarët dhe udhëtarët se çdo mall që bartet përtej kufirit duhet të deklarohet, dhe mosdeklarimi i tyre përbën shkelje ligjore.
