Në redaksinë e JOQ Albania kanë mbërritur pamjet e sherrit të regjistruar sot në lagjen nr.15 të qytetit të Durrësit. Siç shihet në video, Kaçaniku shtrin në tokë dhe dhunon dy kushërinjtë Xhani.
Ngjarja ka ndodhur rreth orës 08:30 kur dy persona, Ben Xhani, 66 vjeç dhe A. Xh., 61 vjeç, kushërinj, janë dhunuar me sende të forta nga 37-vjeçari Katan Kaçaniku.
Në njoftimin zyrtar nga Policia e Durrësit, bëhet e ditur se gjatë konfliktit 37-vjeçari Katan Kaçaniku ka qëlluar në ajër me armë me fishekë manovër.
Dy të plagosurit ndodhen në spital nën kujdesin e bluzave të bardha dhe janë jashtë rrezikut për jetën, teksa Katan Kaçaniku, dhunuesi i dy kushërinjve ka përfunduar në prangat e policisë.
