Një ngjarje e rëndë është regjistruar këtë të enjte në autostradën Fier–Vlorë, pranë fshatit Bishan, ku është gjetur i pajetë brenda një automjeti një burrë nga Berati.
Sipas policisë, mjeti i markës Volkswagen me targa AB276DC ishte ndaluar në xhepin e emergjencës, ndërsa brenda tij ndodhej i shtrirë në sediljen e përparme Rafael Pasha, banues në fshatin Starovë, Berat.
Nga hetimet paraprake dyshohet se viktima ka humbur jetën nga shkaqe natyrale, ndërsa po punohet për sqarimin e plotë të rrethanave.
Trupi është dërguar në morgun e spitalit të Vlorës për ekzaminime të mëtejshme mjeko–ligjore.
