Agjencia e Mbikëqyrjes Policore ka arrestuar mbrëmjen e sotme një efektiv të Komisariatit të Krujës, nën dyshimet për kultivim të bimëve narkotike.
Gjatë operacionit të zhvilluar në këtë qytet, policit me inicialet E.L. iu gjetën gjithashtu armë pa leje, të cilat janë sekuestruar si prova materiale.
Hetimet po vijojnë për të zbardhur nëse efektivi ka qenë i përfshirë në veprimtari të tjera të paligjshme dhe nëse ka bashkëpunëtorë të tjerë.
