Policia ka arrestuar bashkëshorten e mjekut që u plagos dje në Kumanovë. Ka dyshime se ajo është e lidhur me atentatin ndaj bashkëshortit të saj, Zekirja Shaini.
Në njoftimin e policisë nuk jepen më shumë detaje se për çfarë motivesh bashkëshortja do ta kishte eliminuar të shoqin.
Mjeku pulmolog, Shaini, po ashtu është edhe bartës i listës së AKI-së për këshillin komunal të Likovës, por se katër plumbat që i mori në trup nuk ishin për ndonjë motiv politik, e konfirmoi edhe vetë mjeku Shaini përmes një statusi në Facebook.
Shaini u plagos duke lëvizur me makinë në qendër të Kumanovës. Atentatori me maskë, iu afrua veturës në lëvizje dhe shtiu mbi të, duke e plagosur në gjurin e djathtë dhe në parakrahun e majtë. Shaini fillimisht u dërgua në spitalin e Kumanovës, dhe më pas në klinikat e Shkupit, ku iu dha ndihma mjekësore. Sot u lirua për trajtim shtëpiak.
