Një qytetar ka dërguar në redaksinë tonë këtë foto të shkrepur ditën e sotme në rrugën e Arbrit, ku shihet një kamion që transporton pllaka betoni pa asnjë masë sigurie.
Denoncuesi shkruan:
“Përshëndetje JOQ! A është normale kjo apo jemi ne anormal? Kjo ndodhi sot, para disa minutash, në rrugën e Arbrit. Nuk ka siguri minimale! Jam rezident britanik dhe vij këtu për pushime, por më rrezikohet jeta.”
Nga pamjet duket qartë se ngarkesa e kamionit është e pasiguruar dhe çdo moment mund të rrëzohet mbi rrugë apo mbi mjetet që kalojnë pas tij, duke rrezikuar seriozisht jetën e qytetarëve.
Rasti shton edhe një herë shqetësimin për mungesën e kontrolleve dhe sigurisë rrugore në Shqipëri, ku shpesh automjete me ngarkesa të rrezikshme qarkullojnë pa asnjë verifikim.
