Një video e mbërritur në redaksinë e JOQ Albania tregon një episod tipik të kaosit rrugor në kryeqytet.
Në pamje shihet një drejtues mjeti që ndalon dhe parkon automjetin e tij në hyrje të një rrethrrotullimi në zonën e Astirit, duke penguar dhe vështirësuar qarkullimin e makinave të tjera.
Sikur të mos mjaftonte ky veprim i rrezikshëm, shoferi largohet i qetë nga vendi i ngjarjes, sikur të kishte parkuar në një hapësirë të zakonshme.
Qytetari që dërgoi videon, me ironi shkruan:
“Përshëndetje JOQ, shikoni parkimin e ri pa pagesë mu në mes të Astirit.”
Ky rast është një shembull i qartë i mungesës së respektimit të rregullave të qarkullimit dhe i kulturës së dobët të drejtimit, që shpesh kthejnë rrugët publike në “pronë private” të individëve.
