Ndërsa afrohemi me entuziazëm për të mirëpritur vitin 2025, vendet e ndryshme të botës ndjekin tradita unike për të festuar ndërrimin e viteve:
Spanja dhe Amerika Latine: Në mesnatë, njerëzit hanë 12 kokrra rrush për fat dhe begati. Kjo traditë, që daton nga viti 1909, u krijua nga vreshtarët e Alicante-s për të shitur më shumë rrush pas një korrjeje të bollshme.
Japoni: Tempujt budistë bien kambanat 108 herë për të larguar pasionet mëkatare dhe për të pastruar vitin që vjen. Gjithashtu, rituali Namahage sjell të rinj të maskuar si demonë që vizitojnë shtëpi për të ndihmuar në edukimin e fëmijëve.
Rumani: Valltarë të maskuar si arinj dhe kafshë të tjera performojnë ceremoni që simbolizojnë vdekjen dhe rilindjen, për të sjellë fat dhe për të larguar shpirtrat e këqij.
Gjermani: Familjet praktikojnë një formë parashikimi duke shkrirë plumb dhe duke interpretuar format që krijohen në ujë të ftohtë. Kjo traditë vjen me paketa speciale të shitura për këtë rast.
Danimarkë: Thyerja e enëve para derës së fqinjëve simbolizon miqësi dhe fat. Sa më shumë pjata të thyera, aq më shumë miq e fat besohet se ke për vitin e ri.
Peru: Në festivalin Takankuy, njerëzit zgjidhin konfliktet duke u ndeshur fizikisht në mënyrë festive, për të filluar vitin e ri me harmoni dhe pajtim.
