Një avion pasagjerësh është rrëzuar pranë Aktau në Kazakistan, teksa në bord dyshohet se ndodheshin 72 persona.
Ministria e Emergjencave në Kazakistan njoftoi se mund të ketë të mbijetuar nga rrëzimi i një avioni, brenda të cilit gjendeshin mbi 70 persona, përfshirë ekuipazhin.
Avioni i kompanisë ajrore “Azerbaijan Airlines” u rrëzua pranë qytetit Aktau në Kazakistan. Mediat raportojnë se të paktën 28 persona kanë shpëtuar, ndërsa pjesa tjetër dyshohet të kenë humbur jetën. Deri më tani, janë nxjerrë katër trupa nga rrënojat.
Aeroplani, i cili udhëtonte nga Baku në Azerbajxhan drejt Groznyt në Çeçeni të Rusisë, kreu një ulje emergjente rreth tre kilometra larg Aktaut pas përplasjes me një tufë zogjsh. Pas kontaktit me tokën, avioni shpërtheu në flakë.
This video shows what happened in the minutes before the plane crash in Kazakhstan. The plane repeatedly went up and down before crashing. pic.twitter.com/dQ0H1c9R0R
— BNO News Live (@BNODesk) December 25, 2024
