Një ngjarje tragjike ka ndodhur sot në Berat, ku një punëtor 47-vjeçar humbi jetën gjatë punimeve në rrugën e Kalasë. Incidenti ndodhi rreth orës 11:30, në lagjen "13 Shtatori", kur një masiv guri u shkëput dhe e zuri poshtë punëtorin, i cili po punonte për një subjekt privat.
Punëtori, shtetasi G. S., banues në Berat, u nxor nga masivi i gurit nga shërbimet e emergjencës dhe u transportua me ambulancë drejt spitalit, por fatkeqësisht nuk mundi t’u mbijetonte dëmtimeve të rënda.
Autoritetet ndodhen ende në vendngjarje dhe po kryejnë hetimet për të zbardhur shkaqet dhe rrethanat e kësaj ngjarjeje.
