Produktet e skaduara, mykura e të prishura të BigMarket sa vijnë e shtohen për sa kohë Mond Rrushi i AKU-së fle gjumë.
Së fundmi një qytetare që ka blerë biskota greke në BigMarket ka mbetur e tmerruar kur ka parë gjendjen e tyre.
Ajo tregon se biskotat që sapo bleu i dolën të mykura dhe u detyrua t’i hidhte edhe 200 lekë.
Qytetarja ka treguar për JOQ ALBANIA se kjo nuk është hera e parë që këto biskota, kinse cilësi e mirë, i dalin të mykura pasi i blen në BigMarket.
Denoncime e shumta në redaksinë tonë, kanë vërtetuar se në BigMarket riciklohen mbeturinat e tregut dhe shiten produkte ushqimore të skaduara ose me datë skadence të ndryshuar.
Pavarësisht kësaj situate alarmante, deri tani nuk është marrë asnjë masë nga Autoriteti Kombëtar i Ushqimit (AKU) dhe drejtori Mond Rrushi, duke ngritur shqetësime serioze për sigurinë e ushqimeve që konsumatorët blejnë në marketet shqiptare.
Denoncimi i qytetares:
Si jeni JOQ Produktet e big market me myk, hera e dyte qe me ndodh me keto biskotat "greke"
