Një 22-vjeçar shqiptar është dënuar me burgim të përjetshëm për vrasjen e bashkatdhetarit të tij në Angli.
Kozma Papa ka pranuar më parë vrasjen pasi theri me thikë 13 herë Bledi Petraj në Southgate, në veri të Londrës, më 4 shkurt.
Duke e dënuar atë në Old Bailey të premten, gjyqtari tha se të dy personat, si vrasësi dhe viktima njiheshin me njëri-tjetrin dhe kishin pasur një përplasje fizike më herët në një kafene. 45 minuta më vonë ata ishin takuar sërish me njëri-tjetrin, por kësaj here secili me thika të mëdha me vete. Të dy i drejtuan njëri-tjetrit thikën, derisa viktima Bledi Petraj, humbi kontrollin e thikës dhe autori, Kozma Papa e kapi thikën dhe e goditi 13 herë në mënyre të vazhdueshme viktimën.
Petraj vdiq në spital nga plagët e marra atë pasdite.
Në një deklaratë për vdekjen e shqiptarit, motra e tij tha:
"Zgjohem në mëngjes, duke u përpjekur të bind veten se ishte thjesht një makth. Nuk mund të festojmë më. Çdo ditëlindje familjare është e mbushur me lot sepse Bledi mungon”.
Prindërit e tij thanë se Petraj ishte "në vendin e gabuar në kohën e gabuar, duke u përballur me një "përbindësh" me thikë në dorë i cili e goditi pa mëshirë".
Në deklaratën e tij mbrojtëse, Papa pranoi disa përfshirje të mëparshme në tregtimin e drogës dhe se kishte hyrë ilegalisht në Mbretërinë e Bashkuar në shtator 2022. Home Office ka tërhequr kërkesën e tij për azil.
Gjykata Qendrore në Londër kërkoj për Papën që të vuaj minimalisht 20 vjet heqje lirie.
