Greqia është tronditur nga vrasja mizore e gruas shqiptare në Ampelokipi nga bashkëshorti i saj 39-vjeçar, i cili pasi e vrau, e fshehu trupin e saj të pajetë në papafingo të shtëpisë së tyre.
Sipas informacioneve të fundit nga mediat greke, është gjetur çekiçi me të cilin 39-vjeçari ka rrahur gruan para se ta mbyste përfundimisht.
39-vjeçari Kastriot Cenko e kishte fshehur çekiçin në papafingo ku mbante trupin e gruas prej ditësh.
Siç u bë e ditur dje, në fillim shqiptaru e ka goditur me çekiç gruan dhe më pas e ka mbytur.
Shkak mësohet se ka qenë një telefonatë që gruaja ka marrë nga shoku i saj teksa ka hyrë në tualet për të folur me të. 39-vjeçari dëgjoi thirrjen, u zemërua dhe vendosi ta vriste.
Lëvizja e tij e parë ishte të merrte një çarçaf dhe të fshihte trupin e gruas së tij në dhomën e tyre.
Kur fëmijët e tyre u zgjuan të nesërmen në mëngjes dhe u bënë gati për shkollë, ata pyetën babanë e tyre se ku ishte nëna e tyre dhe ai u përgjigj se ajo kishte shkuar në punë. Fëmijët kanë shkuar në shkollë dhe më pas autori i ka çuar te vëllai i tij.
Kur fëmijët duhej të ktheheshin në shtëpi, 39-vjeçari vendosi të telefonojë autoritetet dhe të rrëfejë krimin, duke thënë se vrau gruan e tij të enjten e kaluar.
Thirrja është bërë pak pas orës 18.00 të pasdites së djeshme me efektivët e policisë që kanë mbërritur në vendngjarje duke ndjerë që në momentin e parë një erë të keqe që vinte nga qeset e zeza që ndodheshin në papafingo të shtëpisë. Në fakt, ai dyshohet se e ka mbështjellë trupin me çarçafe dhe plastikë.
